رسام الكوميكس المصري عبد الرحمن شرف:مؤمن بأن فن الكوميكس سيجد مكانته في المجتمع

عبد الرحمن شرف  فنان مصري شاب طموح يحمل ذلك الوعي و قدرة على ترجمة احداث بلده و ما يدور حوله  من  احداث و يوثق لها بطريقته الخاصة من خلال فن " الكوميكس" او الشريط المرسوم ، و يعمل جاهدا ككل فنان يحترم  فنه و يحب ما يقوم به  و ينقل من خلال ذلك نبض المجتمع .

عن طموحه و مشاريعه المستقبلية كان لنا حوار معه ايضا لنتعرف عن مدى تطور نظرته الفنية للكوميكس و مدى تفاعل مجتمعه معه رغم قلة الاقبال عليه .

نوافذ ثقافية:بعد صدور الكتاب و المعرض ما اخبار عبد الرحمن شرف

الفنان عبد الرحمن شرف: الحقيقة ان عبدالرحمن شرف كان من اسعد الناس ساعتها كان من اهم انجزاتي ان ينزلي كتاب و اني اشارك في مهرجان كايروكوميكس و انا عندي ١٩ سنة كنت اصغر واحد و ده حاجة جميلة .. من بعد الاصدار بدات اشتغل علي نفسي كتير و تعمقت اكتر في الكوميكس .

نوافذ ثقافية:هل طورت فن الكوميكس لمعالجة القضايا اليومية للوطن ام هي نقل لمساءل ٱنية؟

الفنان عبد الرجمن شرف: هو الحقيقة انا هدفي دايما اني اصلح العالم برسمي و مؤمن ب ده جدا

نوافذ ثقافية:ماهي المسائل التي عالجتها مؤخرا في رسوماتك ؟

الفنان عبد الرحمن شرف : و كان هناك موقف حرج  قد حدث  في وقت قريب، حيث قام اشخاص بتشويه  ايقونات اخوتنا المسحيين ، و لما  وجدت ان هناك  عدد كبير  منهم كان في غاية الاستياء من الذي حدث ، قمت و رسمت صورة المسيح كهدية  حتى يعرفوا انه ليس كل  المسلمين  من يفعلون هذا ، ولأبين لهم أن الاسلام  دين سلام، و لا وجود  أي مشكلة معاهم، و هذا ما استطعت و حاولت ان أعالجها بطريقتي.

نوافذ ثقافية : هل من معارض أو مشاركات؟

الفنان عبد الرحمن شرف : هناك معرض سأشارك فيه ب لوحة لتمثال مصري قديم  في 15 سبتمبر المقبل  بأذن الله ، اضافة الى معارض أخرى  قدمت فيها طلبات للمشاركة فيها و بأذن اللهو اتمنى ان اوفق في هذا المسعى اما من ناحيه الكوميكس فانا  حاليا اتعامل مع دار نشر لاعداد  سلسله من كتب الكوميكس ، و هذا في حد ذاته عمل ضخم جدا بأذن الله سييتم الاعلان عنه عن قريب ..

نوافذ ثقافية:هل صنع الكوميكس مكانة له في المجتمع المصري وبالوسط الفني؟

الفنان عبد الرحمن شرف:في  الحقيقة ليس له مكانة عندنا لاننا لا  نمتلك بعد ثقافة الكوميكس و القصص المصورة  كما هو الحال في الخارج، هناك قليل من الناس من يهتم بهذا الفن و يتابعه  .

نوافذ ثقافية:هل يمكن لفن الكوميكس أن يصبح لسان حال المجتمع

الفنان عبد الرحمن شرف: طبعا ينفع انا شايف ان فن الكوميكس عامتا من الحاجات البسيطة اللي بتوصل للناس بسرعة و بتناقش قضاية المجتمع بس بشكل كوميدي او كل واحد و اسلوبة بس هو قريب جدا طبعا من الجتمع ..

نوافذ ثقافية:هل يملك مجتمعنا العربي والمصري قدرة على استيعاب رسائل الكوميكس والى أي مدى؟

الفنان عبد الرحمن شرف: طبعا يقدر و دة دايما بيبقي معتمد اكتر علي الرسام انه يدخل للناس من المكان اللي الناس بتحبه  و اللي يوصل الرساله من خلاله ..و المدي بتاعة ممكن يبقي مستمر لانه ممكن يكون من خلال موقف انا عارضته و يكون حصل معاه او موقف كوميدي بس يكون فيه رسالة ف تثبت و دايما تبقي في باله و هكذا ..

نوافذ ثقافية : الى اي مستوى تطمح للسمو بنمطك الفني هذا

الفنان عبد الرحمن شرف: الحقيقة انا طموح جدا دايما بحلم بحاجات ممكن الناس تقول عليا انت مجنون عمرك ما هتعمل كدة بس انا بيبقي عندي ثقه في ربنا كبيرة و نفسي الحقيقة فني و رسوماتي توصل للعالم كلة شايف نفسي اني هبقي من احسن الناس مع الوقت و اني هقدر اغير كتير اووي للاحسن بفني ..

نوافذ ثقافية: متى ظهر فن الكوميكس  و ما سبب في نشأته ، و ما هو الفرق بينه وبين الكاريكاتير؟

 الفنان عبد الرحمن شرف: فن الكوميكس او القصص المصورة نوع من الفن بيجمع بين الرسم والرواية والسينما ؛ قصة بيتم معالجتها وتتحول لمجموعة من اللوح الصغيرة بتترتب ورا بعضها وتدي نوع من الحركة اشبه بفيلم سينيمائي لكن مرسوم على الورق ، بيخاطب جميع الفئات والأعمار ومنتشر في دول كتير من العالم، ،

 تاريخ نشأة فن الكوميكس  بيرجع عمره لعشرات الآلاف من السنين , لما بدأ الانسان البدائي يرسم قصته وتفاصيل حياته اليومية على جدران الكهوف، وبعدها سجل المصري القديم تفاصيل حياته الدنيوية وتصوراته الأخروية على جدران المعابد والمقابر، وسابولنا كدليل على ده النقوش والرسومات اللي عجز كتير من الفنانين انه يضاهيها او يوصل لسر جمالها ومتعتها الدائمة والمتجددة لحد عصرنا هذا.

نوافذ ثقافية: كلمة أخيرة

الفنان عبد الرحمن شرف:اوعي متحلمش اووعي تقول انا مش هقدر اوعي لما يحصلك حاجة تستسلم افضل وري حلمك و عافر اللي يتريق سيبه يتريق هيجيلك يوم تخليه ميعرفش يكلمك من كتر ما انت ناجح دايما بحول الطاقة السلبية و النقد اللي بخدها من الناس لدافع يحركني و اثبتلهم انهم غلط و ان انا دايما صح احلم و خالي دايما الجملة دي في دماغك (فليكن همك السعي لا الوصول ) ..

أجرى الحوار / بوخلاط نادية