مقطع من قصيدة للشاعر توفيق ومان

 

حاب نشوف حبيب طوّل فالغيــبــة
ومن البُعد نتيه نبقى بالســـاعات 
حالي نا مضرار وانت في سيـــبـة 
وقَمري ما شفتوش هاذو ليــــمـات 
حافظلك في خــاطري ذيك الهيــبة 
وماتنساشي صورتك عيني هيـهـات
ساعة نقول نساتني عند الرِيـــــــبة 
وساعة نقول نسات ما درناه وفــات 
وساعة نقول بقات مـــــــزال حبيبــة 
وساعة نقول راهي اطيَّحْ فالدمعات
وساعة نشوف فراقها صاعب غلبة
وبعد الساعة تكون ساعات وساعات 
رقاصك ياساعتي راح اتخــبـــــــــي 
بصح ربي قادر على المعجزااااااات
 
توفيق ومان
رئيس الجمعية الجزائرية للأدب الشعبي